Caru Jigramaya

Caru ayam putih mulus maolah dadi 5 tanding, malayang-layang, majejatah lembat asem padha makatih, urab barak, urab putih, tempengnya padha madanan, olahannya padha winadhahan sengkwi, sawusan pinuja, caru punika pendhem ring bilang bucuning pakarangan, laying-layang nyane pendem ring tengah natar pekarangan nyane.
Pujanya:
Ih, kita sang bhuta jigramaya, marupa manca warna, kita ratuning bhuta kala dhengen, makanak I pamali pulung raksa, I undar-andir, ekadasa rowang-ira, kita anggawe kapanjingan hyang lalah, kasandering glap, katiben amuk, kasiratin rah, salwiring cuntaka bhayaning pekarangan, kalebur kapunah de nira sang bhuta jigramangsa. Om ang ksama sampurna ya namah swaha.

Pemahayu Karang

(pangasih bhuta, anggen pamahayu pekarangan)
Sarana: sasenden anyar masurat (marajah) surya lan candra, medaging tumpeng putih asiki, tumpeng kuning asiki, iderin antuk sarwa sekar, rakan nyane putih kuning, iwak ayam suddhamala pinanggang, bebek putih maguling, canang genten. Sawusan pinuja pendhem ring tengahing natar pekarangan, phalanya dewa teka asih, bhuta teka asih.
Pujanya:
Om, indah ta kita bhatari durga, dening kita hanuduh I bhuta mangsa, apan kita wus sinungan sajin nira. Om, indah ta kita hangken sapenangkan ta paran-paranya, hawya ta kita hanglarani, hangrubheda manusan nira, iki tadhah sajin nira, wus ta sira padha hanadhah saji, mundura ta sira maring pesenetan nira, kemiten manusan nira, siddha amangguhang dirghayusa paripurna. Om siddhir astu ya namah.

Ke ambil sakeng “lontar bhama kretih”.